2025-ci ilin iş və istirahət günləri
Azərbaycanın Əmək Məcəlləsinə görə, iş günü hesab olunmayan bayram günləri şənbə və bazar günlərinə təsadüf edəndə əlavə istirahət günü verilir, həmçinin ardıcıllığı təmin etmək üçün iş və istirahət günlərinin yerləri dəyişdirilə bilər.
Əmək və Əhalinin Sosial Müdafiəsi Nazirliyinin rəsmi açıqlamasında qeyd olunur ki, 2025-ci ildə beşgünlük iş həftəsində 239 iş günü, iş günü hesab edilməyən 105 istirahət günü, iş günü hesab edilməyən 19 bayram günü, 1 bələdiyyə seçkiləri günü (29 yanvar), 1 Ümumxalq Hüzn Günü (20 yanvar) var.
1 və 2 yanvar yeni il bayramı, 8 mart Qadınlar Günü, 20, 21, 22, 23 və 24 mart Novruz bayramı, 30 və 31 mart, Ramazan bayramı, 9 may Qələbə Günü, 28 may Müstəqillik Günü, 6 və 7 iyun Qurban bayramı, 15 iyun Milli Qurtuluş Günü, 26 iyun Silahlı Qüvvələr Günü, 8 noyabr Zəfər Günü, 9 noyabr Dövlət Bayrağı Günü, 31 dekabr Dünya Azərbaycanlılarının Həmrəyliyi Günüdür.
Beşgünlük iş həftəsində 3 yanvar, 10, 25 və 26 mart, 1 aprel, 9, 16 iyun, 10 və 11 noyabr, altıgünlük iş həftəsində 25 mart, 1 aprel, 16 iyun və 10 noyabr əlavə istirahət günləridir.
