Doğum statistikası (1991-2024)
Dövlət Statistika Komitəsinin hesabatına görə, yanvar-sentyabr aylarında Azərbaycanda 77172 uşaq doğulub, 2023-cü ilin eyni dövrünə nəzərən 9,8 faiz azalma olub.
Doqquz ayın yekununda hər 1000 nəfərə 10,1 doğum düşüb. Bu, 33 müstəqillik ilində ən aşağı göstəricidir.
Dövlət müstəqilliyinin bərpa olunduğu 1991-ci ildə 1000 nəfərə 26,6 doğum rəsmiləşib, ardınca eniş başlayıb: 1992-ci il 1000 nəfərə 25 doğum, 1993-cü il 23,7 doğum, 1994-cü il 21,4 doğum, 1995-ci il 18,9 doğum, 1996-cı il 16,9 doğumla bitib.
1997-ci ildə 1000 nəfərə 17,1 doğum, 1998-ci ildə 15,9 doğum, 1999-cu ildə 14,9 doğum, 2000-ci ildə 14,7 doğum, 2001 və 2002-ci illərdə 13,7 doğum, 2003-cü ildə 13,9 doğum, 2004-cü ildə 15,9 doğum, 2005-ci ildə 16,9 doğum, 2006-cı ildə 17,5 doğum, 2007-ci ildə 17,7 doğum, 2008-ci ildə 17,4 doğum, 2009-cu ildə 17,2 doğum sənədləşib.
2010-cu ildə 1000 nəfərə 18,5 doğum, 2011-ci ildə 19,4 doğum, 2012-ci ildə 19 doğum, 2013-cü ildə 18,6 doğum, 2014-cü ildə 18,1 doğum, 2015-ci ildə 17,4 doğum, 2016-cı ildə 16,5 doğum, 2017-ci ildə 14,8 doğum, 2018 və 2019-cu illərdə 14,2 doğum, 2020-ci ildə 12,7 doğum, 2021-ci ildə 11,2 doğum, 2022-ci ildə 12,2 doğum, 2023-cü ildə 11,1 doğum qeydə alınıb.
