On ayın 20 adı
2024-cü ilin yanvar-oktyabr aylarında Azərbaycanda doğulmuş 1498 oğlana Uğur adı qoyulub.
Ədliyyə Nazirliyinin açıqladığı statistikaya görə, Əli adı 1164, Hüseyn adı 1155, Yusif adı 1010 uşağa məsləhət görülüb.
İlk onluqda Raul (921 uşaq), Ömər (741), Murad (627), Məhəmməd (625), Tunar (578), Ayxan (567) adları da var.
Populyar qız adları içində Zəhra birincidir: on ayda 1046 uşağa bu ad verilib.
1035 qız Zeynəb, 1034 qız Məryəm adı alıb.
Qalan populyar adlar belə sıralanır: Aylin (956 uşaq), Nilay (942), Ayla (921), Melisa (918), Fatimə (778), İnci (777), Mələk (738).
