Azərbaycandan köç (1991-2024)
Rəsmi statistikaya görə, 2024-cü ilin ilk yarısında Azərbaycandan 1,2 min nəfər köçüb.
Dövlət müstəqilliyinin bərpa olunduğu 1991-ci ildə ölkəni 106,4 min nəfər tərk edib. 1992-ci ildə bu göstərici 49,9 min nəfər, 1993-cü ildə 28,5 min nəfər, 1994-cü ildə 19,6 min nəfər, 1995-ci ildə 16 min nəfər olub.
Daimi yaşamaq üçün ölkədən gedənlərin sayı 1996-cı ildə 13,2 min nəfər, 1997-ci ildə 15,7 min nəfər, 1998-ci ildə 10,5 min nəfər, 1999-cu ildə 9,1 min nəfər, 2000-ci ildə 9,9 min nəfər, 2001-ci ildə 7,3 min nəfər, 2002-ci ildə 4,3 min nəfər, 2003-cü ildə 3,8 min nəfər, 2004-cü ildə 2,8 min nəfər, 2005-ci ildə 2,9 min nəfər, 2006-cı ildə 2,6 min nəfər, 2007-ci ildə 3,1 min nəfər, 2008 və 2023-cü illərdə 2,5 min nəfər, 2009-cu ildə 1,4 min nəfər, 2010, 2013 və 2014-cü illərdə 0,8 min nəfər göstərilib.
2011-ci ildə köçənlərin sayı 0,5 min nəfər, 2012-ci ildə 0,2 min nəfər, 2015, 2018 və 2019-cu illərdə 1,6 min nəfər, 2016-cı ildə 1,7 min nəfər, 2017-ci ildə 1,9 min nəfər, 2020 və 2021-ci illərdə 0,6 min nəfər, 2022-ci ildə 1,1 min nəfər həddində rəsmiləşib.
