Doğulanların nisbəti
2024-cü ilin yanvar-iyul aylarında Azərbaycanda 58,4 min uşaq doğulub. Onların 31,1 min nəfəri oğlan, 27,3 min nəfəri qızdır. Bu, hər 100 qıza 114 oğlan deməkdir. Bioloji norma hər 100 qıza 105-107 oğlandır.
Dövlət Statistika Komitəsinin hesabatına görə, Azərbaycanın dövlət müstəqilliyini bərpa etdiyi 1991-ci ildə hər 100 qıza 106 oğlan anadan olub. 1992-ci ildə göstərici 108-ə yüksəlib, 1993-cü ildə 107-yə düşüb.
1994-cü ildə hər 100 qıza 109 oğlan, 1995-ci ildə 110 oğlan, 1997-ci ildə 111 oğlan, 1996 və 2022-ci illərdə 112 oğlan, 2023-cü ildə 113 oğlan, 1998, 2015, 2016, 2017, 2019 və 2020-ci illərdə 114 oğlan, 1999, 2000 və 2018-ci illərdə 115 oğlan, 2005, 2008, 2011, 2012, 2013, 2014 və 2021-ci illərdə 116 oğlan, 2001, 2002, 2004, 2006, 2007 və 2010-cu illərdə 117 oğlan, 2003 və 2009-cu illərdə 118 oğlan dünyaya gəlib.
