Makroiqtisadi hesabat
Dövlət Statistika Komitəsinin məlumatına görə, yanvar-avqust aylarında Azərbaycanın kənd təsərrüfatında məhsul istehsalı 2023-cü ilin eyni dövrü ilə müqayisədə 0,8 faiz artıb (heyvandarlıq məhsulları istehsalı 1,3 faiz, bitkiçilik məhsulları istehsalı 0,3 faiz).
Nəqliyyat sektorunda yük daşınması üzrə yüksəliş 3,7 faiz, sərnişin daşınması üzrə 8,8 faiz göstərilir.
Hesabata əsasən, informasiya və rabitə xidmətlərinin həcmində 12,9 faiz, ictimai iaşə dövriyyəsində 8,6 faiz, əhaliyə göstərilən ödənişli xidmətlərin dəyərində 8 faiz artım qeydə alınıb.
Əhalinin gəlirlərinin 6,1 faiz artdığı, yanvar-avqust aylarında dövlət büdcəsinə 25 milyard 223,4 milyon manatın daxil olduğu, büdcədən 22 milyard 362,4 milyon manatın xərcləndiyi bildirilir.
2024-cü ilin dövlət büdcəsində 36 milyard 388 milyon manat gəlir, 39 milyard 742,3 milyon manat xərc nəzərdə tutulur. Yeddi aylıq icra göstəriciləri belədir:
yanvar – 3 milyard 465,9 milyon manat gəlir, 1 milyard 723,6 milyon manat xərc;
fevral – 3 milyard 45 milyon manat gəlir, 3 milyard 529,4 milyon manat xərc;
mart – 2 milyard 723,2 milyon manat gəlir, 3 milyard 159,6 milyon manat xərc;
aprel – 4 milyard 25,3 milyon manat gəlir, 2 milyard 336,9 milyon manat xərc;
may – 2 milyard 746,4 milyon manat gəlir, 2 milyard 723,4 milyon manat xərc;
iyun – 2 milyard 837 milyon manat gəlir, 2 milyard 579,2 milyon manat xərc;
iyul – 3 milyard 742 milyon manat gəlir, 3 milyard 406,3 milyon manat xərc.
