İnzibati ərazi bölgüsü
Dövlət Statistika Komitəsi inzibati ərazi bölgüsü hesabatı yayıb. Rəsmi bilgiyə görə, Azərbaycanda 64 rayon var.
Ölkədə 79 şəhər, 12 şəhər rayonu, 262 qəsəbə, 4244 kənd qeydə alınıb, 1606 bələdiyyə yaradılıb.
İqtisadi rayonların sayı 14-dür: Bakı, Naxçıvan, Abşeron-Xızı, Dağlıq Şirvan, Gəncə-Daşkəsən, Qarabağ, Qazax-Tovuz, Quba-Xaçmaz, Lənkəran-Astara, Mərkəzi Aran, Mil-Muğan, Şəki-Zaqatala, Şərqi Zəngəzur, Şirvan-Salyan.
2024-cü il iyulun 1-nə paytaxt Bakıda əhalinin sayı 2,3 milyon min nəfəri, Abşeron rayonunda və Sumqayıtda 400 min nəfəri, Gəncədə 300 min nəfəri, Lənkəran, Masallı, Cəlilabad və Şəmkirdə 200 min nəfəri ötüb.
Əhalisi 100 min nəfərdən çox olan başqa bölgələr bunlardır: Şəki, Sabirabad, Tovuz, Ağdam, Xaçmaz, Quba, Bərdə, Salyan, Ağcabədi, İmişli, Füzuli, Zaqatala, Yevlax, Göyçay, Kürdəmir, Şərur, Astara, Saatlı, Qəbələ, Ağdaş, Biləsuvar, Şamaxı, Mingəçevir, Qusar, Goranboy, Beyləqan, Gədəbəy, Balakən.
