Rəşad Məcid – 60
Jurnalist, şair, yazıçı, ictimai xadim Rəşad Məcidin 60 yaşı tamam olur.
1964-cü il avqustun 21-də doğulan Rəşad Məcid Bakı Dövlət Universitetinin jurnalistika fakültəsini bitirib. “Elm və həyat” jurnalında (korrektor, müxbir), Azərbaycan Bədii Tərcümə və Ədəbi Əlaqələr Mərkəzində (sədr müavini), “Ədalət” qəzetində (baş redaktorun birinci müavini), “Azərbaycan” qəzetində (baş redaktorun birinci müavini), “Azərmətbuatyayımı” İstehsalat Birliyində (rəis), Azərbaycan Tərcümə Mərkəzində (məsul katib) çalışıb.
“525-ci qəzet”in qurucusu və baş redaktoru, Azərbaycan Yazıçılar Birliyi sədrinin müavini, Prezident yanında Əfv Məsələləri Komissiyasının üzvü, Azərbaycan Mətbuat Şurasının sədridir.
Əməkdar mədəniyyət işçisi, 2-ci dərəcəli “Vətənə xidmətə görə” ordeni laureatı, şeir, nəsr və publisistika kitablarının müəllifidir.
