Naxçıvan Muxtar Respublikasının Dövlət Statistika Komitəsi makroiqtisadi göstəriciləri açıqlayıb. Hesabata görə, yanvar-iyun aylarında muxtar respublikada ümumi daxili məhsul (ÜDM) istehsalı 2023-cü ilin yarım ilinə nəzərən 1,7 faiz artıb, əhalinin hər nəfərinə 1437,6 manat ÜDM düşüb.

Sənayedə 3,9 faiz artımın, sərmayə qoyuluşunda 18,4 faiz, kənd təsərrüfatında 0,2 faiz azalmanın qeydə alındığı bildirilir.

Məlumata əsasən, nəqliyyat sektorunda yük daşınması 0,8 faiz, sərnişin daşınması 1,4 faiz artıb, informasiya və rabitə xidmətlərinin dəyərində 0,5 faiz, pərakəndə ticarət dövriyyəsində 1,2 faiz, ödənişli xidmətlərin dəyərində 0,8 faiz böyümə rəsmiləşib.

İyunun 1-nə muxtar respublikada orta aylıq nominal əməkhaqqı 766,7 manat göstərilib.