Neft Fondunun yenilənmiş büdcəsi
Dövlət Neft Fondunun 2024-cü il büdcəsi yenilənib. Dəyişikliyə görə, fondun gəlirləri 14,1 milyard manat, xərcləri 12,9 milyard manat olur.
Xərc istiqamətləri belədir: 2024-cü ilin dövlət büdcəsinə köçürmə – 12 milyard 781 milyon manat; ali təhsil sisteminin beynəlxalq rəqabətliliyinin artırılması proqramı – 38 milyon 237,9 min manat; gənclərin xarici ölkələrin nüfuzlu ali təhsil müəssisələrində təhsil almaları proqramı – 47 milyon 459 min manat; fondun idarə edilməsi xərcləri – 38 milyon 246,5 min manat.
Dövlət Neft Fondu 1999-cu ildə yaradılıb. 2024-cü il aprelin 1-nə qurumun aktivləri 57 milyard 372,8 milyon ABŞ dolları məbləğində göstərilib.
