Media reytinqi
“Sərhədsiz reportyorlar” beynəlxalq təşkilatı 2024-cü il üzrə media azadlığı indeksi açıqlayıb. Novator.az-ın məlumatına görə, Azərbaycan 180 ölkə arasında 164-cü yerdə göstərilir, Ermənistan 43-cü, Gürcüstan 103-cü, Türkiyə 158-ci, Rusiya 162-ci, İran 176-cı pillədə qərar tutur.
Estoniya 6-cı, Latviya 12-ci, Litva 13-cü, Moldova 31-ci, Ukrayna 61-ci, Qırğızıstan 120-ci, Qazaxıstan 142-ci, Özbəkistan 148-ci, Tacikistan 155-ci, Belarus 167-ci, Türkmənistan 175-ci yerə layiq bilinir.
Mayın 3-ü Mətbuat Azadlığı Günüdür. Dünya bu günü BMT-nin 1993-cü ildə irəli sürdüyü təşəbbüs əsasında qeyd edir.
1985-ci ildə yaradılan, mərkəzi qərargahı Fransanın paytaxtı Parisdə yerləşən “Sərhədsiz reportyorlar” 2002-ci ildən media azadlığı reytinqi tərtib edir.
2002-ci ildə Azərbaycan 101-ci pillədə, 2003-cü ildə 113-cü pillədə, 2004-cü ildə 136-cı pillədə, 2005-ci ildə 141-ci pillədə, 2006-cı ildə 135-ci pillədə, 2007-ci ildə 139-cu pillədə, 2008-ci ildə 150-ci pillədə, 2009-cu ildə 146-cı pillədə, 2010-cu ildə 152-ci pillədə, 2011-2012-ci illərdə 162-ci pillədə, 2013-cü ildə 156-cı pillədə, 2014-cü ildə 160-cı pillədə, 2015-ci ildə 162-ci pillədə, 2016-cı ildə 163-cü pillədə, 2017-ci ildə 162-ci pillədə, 2018-ci ildə 163-cü pillədə, 2019-cu ildə 166-cı pillədə, 2020-ci ildə 168-ci pillədə, 2021-ci ildə 167-ci pillədə, 2022-ci ildə 154-cü pillədə, 2023-cü ildə 151-ci pillədə yer alıb.
