ADR Avropa Məhkəməsinə üz tutur
Ali Məhkəmə Azərbaycan Demokratiya və Rifah (ADR) Partiyasının şikayətini təmin etməyib. Rəsmi cavab partiyaya bu ay təqdim olunub.
Şikayətdə Bakı Apellyasiya Məhkəməsinin 3 iyul 2023-cü il qərarının ləğvi istənmişdi. Partiya sədrinin müavini Ədalət Yusub Novator.az-a deyib ki, istək təmin olunmadığı üçün Avropa İnsan Hüquqları Məhkəməsinə müraciət hazırlanır.
2015-ci ildən fəaliyyət göstərmiş Azərbaycan Demokratiya və Rifah Hərəkatının varisi olan ADR Partiyasının təsis qurultayı 2021-ci il oktyabrın 17-də keçirilib. Həmin il bir, 2022-ci ildə üç yol Ədliyyə Nazirliyinə sənədlər təqdim olunsa da, partiya hər dəfə müəyyən iradlarla üzləşib, bundan sonra məsələnin məhkəmə yolu ilə həllinə qərar verib. Bakı Apellyasiya Məhkəməsinə şikayətdə Ədliyyə Nazirliyinin boynuna partiyanı dövlət qeydiyyatına almaq öhdəliyi qoyulması istənib. 2022-ci il sentyabrın 27-də məhkəmə şikayətə baxılmasını mümkünsüz sayıb. Ali Məhkəməyə şikayət də fayda verməyib.
Dekabrın 22-də ADR beşinci dəfə Ədliyyə Nazirliyinə müraciət edib. 2023-cü il aprelin 11-də sənədlər baxılmadan geri qaytarılıb. Beşinci müraciətə cavabdan bəlli olub ki, Ədliyyə Nazirliyi partiyanın təyinatlı orqanlarının fəaliyyətinə xitam verilməsi qərarını qurumun buraxılması kimi yozub. Partiya yenidən Bakı Apellyasiya Məhkəməsinə şikayət verib, ancaq iyulun 3-də çıxarılan qərarla şikayət təmin olunmayıb.
Ədliyyə Nazirliyi dövlət qeydiyyatı ilə bağlı altıncı müraciətə də yox deyib, sənədləri geri qaytararaq “Siyasi partiyalar haqqında” yeni qanuna uyğun müraciət etmək təklifi verib.
1992-ci ildə qəbul edilmiş “Siyasi partiyalar haqqında” qanun qurumun dövlət qeydiyyatı üçün 1000 üzv tələbi qoyurdu. 2023-cü il yanvarın 11-də qüvvəyə minən yeni qanuna görə, qeydiyyat üçün partiyanın azı 5000 üzvü olmalıdır.
“Siyasi partiyalar haqqında” yeni qanun dövlət qeydiyyatına alınmayan partiyanın fəaliyyətini yasaqlayır. 2023-cü il yanvarın 12-də ADR sədri Qubad İbadoğlu partiyanın mərkəzi icra strukturlarının buraxılması və təyinatlı rəhbər şəxslərin fəaliyyətlərinə xitam sərəncamı imzalayıb, partiyanın seçkili orqanlarının fəaliyyətinə dair yekun qərarı Ali Məclisin verəcəyini bəyan edib, fevralın 20-də ADR Partiyasının yenidən təsis olunacağı xəbəri yayılıb.
İyulun 23-də Qubad İbadoğlu həbs edilib. İstintaq mütəşəkkil dəstənin saxta xarici valyuta hazırlaması, əldə etməsi, satması; dini ekstremist materialları hazırlama, saxlama və ya yayma ittihamları üzrə aparılır.
ADR Partiyası nazirliyə üz tutdu
ADR-in qeydiyyat müraciəti nə yerdədir?
ADR-in qeydiyyatı səssizlik içində
ADR Partiyasının sənədləri niyə geri qayıtdı?
ADR Partiyası yenə Ədliyyə Nazirliyinə üz tutur
ADR-in qeydiyyatı: müddət başa çatıb
ADR Partiyasının sənədləri yenə geri qayıtdı
ADR: qeydiyyat işi məhkəməyə gedir
ADR-in qeydiyyat məhkəməsi başladı
ADR Partiyası məhkəmədən nə cavab alıb?
ADR Ali Məhkəməyə şikayət verib
ADR-in Ali Məhkəmədən istəyi var
“Mübarizədə bundan sonra da varıq”
ADR Partiyası yenidən təsis olunur
ADR Partiyasının müraciət planları
Ədliyyə Nazirliyi ADR-ə təklif verib
ADR-in işi Avropa Məhkəməsində
