Hasilat, qiymət
2024-cü ilin yanvar-fevral aylarında Azərbaycanda kondensatla birgə 4,8 milyon ton neft çıxarılıb. Energetika Nazirliyi belə hesabat yayıb.
Beynəlxalq razılaşmaya görə, Azərbaycanın gündəlik xam neft hasilatı 551 min barreli ötə bilməz. Yanvarda gündəlik hasilat 474 min barrel göstərilib.
Martın 12-də “AzəriLayt” markalı Azərbaycan neftinin barreli 86,64 dollara satılır.
Dövlət büdcəsində bir barrel neft 60 dollardan götürülüb, “AzəriLayt” yanvara 80,19, fevrala 86,28, marta 87,51 dollarla başlayıb.
2008-ci ildə ölkədə 44,5 milyon ton, 2009-cu ildə 50,4 milyon ton, 2010-cu ildə 50,8 milyon ton, 2011-ci ildə 45,6 milyon ton, 2012-ci ildə 43,4 milyon ton, 2013-cü ildə 43,5 milyon ton, 2014-cü ildə 42 milyon ton, 2015-ci ildə 41,6 milyon ton, 2016-cı ildə 41 milyon ton, 2017-ci ildə 38,7 milyon ton, 2018-ci ildə 38,8 milyon ton, 2019-cu ildə 37,4 milyon ton, 2020-ci ildə 34,5 milyon ton, 2021-ci ildə 34,6 milyon ton, 2022-ci ildə 32,6 milyon ton, 2023-cü ildə 30,2 milyon ton neft hasilatı qeydə alınıb.
