Nikah göstəriciləri
Dövlət Statistika Komitəsinin hesabatına görə, 2023-cü ildə Azərbaycanda 54200 nikah qeydə alınıb (2022-ci ilə nəzərən 13,1 faiz az), hər 1000 nəfərə 5,3 nikah düşüb.
Azərbaycanın dövlət müstəqilliyinin bərpa olunduğu 1991-ci ildə hər 1000 nəfərə 10,4 nikah rəsmiləşib.
1992 və 2007-ci illər hər 1000 nəfərə 9,5 nikah, 1993-cü il 8,1 nikah, 1994-cü il 6,3 nikah, 1995-ci il 5,7 nikah, 1996 və 2000-ci illər 5 nikah, 1997 və 2022-ci illər 6,1 nikah, 1998 və 2001-ci illər 5,2 nikah, 1999-cu il 4,7 nikah, 2002-ci il 5,1 nikah, 2003-cü il 6,8 nikah, 2004-cü il 7,5 nikah, 2005-ci il 8,5 nikah, 2006-cı il 9,4 nikah, 2008-ci il 9,2 nikah, 2009-cu il 8,8 nikah, 2010-cu il 8,9 nikah, 2011-ci il 9,7 nikah, 2012-ci il 8,6 nikah, 2013-cü il 9,3 nikah, 2014-cü il 9 nikah, 2015-ci il 7,2 nikah, 2016-cı il 6,9 nikah, 2017-ci il 6,5 nikah, 2018 və 2019-cu illər 6,4 nikah, 2020-ci il 3,5 nikah, 2021-ci il 5,6 nikahla bitib.
2020-ci ildə kəskin azalma koronavirus pandemiyası üzündən tətbiq edilən toy qadağasından irəli gəlib. Toy mərasimləri həmin il martın 16-dan 2021-ci il iyulun 1-dək yasaq altında olub.
