Əhali statistikası
Dövlət Statistika Komitəsi 2024-cü il yanvarın 1-nə Azərbaycan əhalisinin sayını 10 milyon 180,8 min nəfər göstərib. Hesabata görə, Bakıda 2 milyon 344,9 min, Abşeron rayonunda 432,8 min, Sumqayıtda 427 min, Gəncədə 330,7 min nəfər, Lənkəranda 227,5 min, Masallıda 226,7 min, Şəmkirdə 217,4 min, Cəlilabadda 217,1 min, Şəkidə 184,2 min, Sabirabadda 180,5 min, Ağdamda 179,8 min, Tovuzda 176,9 min, Xaçmazda 174,4 min, Qubada 170,2 min, Bərdədə 156,9 min nəfər əhali qeydə alınıb.
Əhalisi 100 min nəfəri ötən başqa bölgələr belə sıralanır: Salyan – 139,6 min nəfər, Ağcabədi – 136,1 min nəfər, İmişli – 131,6 min nəfər, Füzuli – 130,8 min nəfər, Zaqatala – 130,1 min nəfər, Yevlax – 129,2 min nəfər, Göyçay – 118,6 min nəfər, Kürdəmir – 118,4 min nəfər, Şərur – 113 min nəfər, Astara – 111,9 min nəfər, Saatlı – 110,5 min nəfər, Qəbələ – 108,9 min nəfər, Ağdaş – 107,1 min nəfər, Biləsuvar – 106,5 min nəfər, Şamaxı – 105,7 min nəfər, Mingəçevir – 102,9 min nəfər, Qusar – 102,3 min nəfər, Goranboy – 101,8 min nəfər, Beyləqan – 101,6 min nəfər, Gədəbəy – 101 min nəfər, Balakən – 100,7 min nəfər.
2023-cü ildə ölkədə 112620 nəfər doğulub, 60150 nəfər vəfat edib, hər 1000 nəfərə 11,1 doğum, 5,9 ölüm düşüb.
