Turizm hesabatı
2024-cü ilin yanvarında Azərbaycana 152 ölkədən 165,8 min əcnəbi gəlib. Ziyarətçilərin 27,5 faizi Rusiya, 19,8 faizi Türkiyə, 9,7 faizi İran, 6,1 faizi Hindistan, 4,9 faizi Gürcüstan, 3,5 faizi Səudiyyə Ərəbistanı, 2,9 faizi Qazaxıstan, 2,7 faizi Birləşmiş Ərəb Əmirlikləri, 2,5 faizi Pakistan, 2,4 faizi Küveyt, 2 faizi Özbəkistan, 1,8 faizi Oman, 1,5 faizi Türkmənistan, 1,3 faizi Ukrayna, 1 faizi Belarus, 10,4 faizi başqa ölkələrin vətəndaşlarıdır.
İlk ayda xarici ölkələrə gedən Azərbaycan vətəndaşlarının sayı 147,7 min nəfər göstərilib. Onların 36,6 faizi Türkiyəyə, 22 faizi Rusiyaya, 10,6 faizi Gürcüstana, 8,2 faizi İrana, 22,6 faizi başqa ölkələrə səfər edib.
Hesabatı Dövlət Sərhəd Xidmətinə istinadla Dövlət Statistika Komitəsi yayıb.
