Qonşuluqda turizm
2023-cü ildə Gürcüstanı 7,1 milyon əcnəbi ziyarət edib. Hesabatı yayan Milli Statistika Xidməti bildirir ki, ziyarətçilərin sayı 2022-ci illə müqayisədə 30,3 faiz artıb, ölkəyə ən çox Rusiya, Türkiyə və Ermənistan vətəndaşları baş çəkib.
Rəsmi məlumata görə, xarici turistlər 2023-cü ildə Gürcüstanda 4,8 milyard ABŞ dolları məbləğində vəsait xərcləyib. Bu, 2022-ci ilin göstəricisini 20,5 faiz üstələyir.
Ermənistanın Statistika Komitəsinin açıqlamasına əsasən, 2023-cü ildə ölkəyə 2,3 milyon nəfər turist gəlib (2022-ci illə müqayisədə 39,1 faiz çox). Ziyarətçilərin ilk üçlüyündə Rusiya, Gürcüstan və İran təmsilçiləri göstərilir.
2023-cü ildə Azərbaycana 187 ölkədən 2 milyon 85,8 min əcnəbi gəlib, 2022-ci illə müqayisədə 30,2 faiz artım qeydə alınıb.
