2024-cü ilin iş və istirahət təqvimi
Əmək və Əhalinin Sosial Müdafiəsi Nazirliyi 2024-cü ilin iş vaxtı normasını və istehsalat təqvimini təsdiqləyib. Təqvimə görə, 1, 2 yanvar Yeni il bayramı; 20 yanvar Ümumxalq Hüzn Günü; 8 mart Qadınlar Günü; 20, 21, 22, 23, 24 mart Novruz bayramı; 10, 11 aprel Ramazan bayramı; 9 may Faşizm Üzərində Qələbə Günü; 28 may Müstəqillik Günü; 15 iyun Azərbaycan Xalqının Milli Qurtuluş Günü; 26 iyun Azərbaycan Respublikasının Silahlı Qüvvələri Günü; 16, 17 iyun Qurban bayramı; 8 noyabr Zəfər Günü; 9 noyabr Azərbaycan Respublikasının Dövlət Bayrağı Günü; 31 dekabr Dünya Azərbaycanlılarının Həmrəyliyi Günüdür.
Əmək Məcəlləsinə və Nazirlər Kabinetinin qərarına uyğun olaraq beşgünlük iş həftəsində 3, 4, 5 yanvar, 25, 26 mart, 18, 19 iyun, 11 noyabr, altıgünlük iş həftəsində 3 yanvar, 25 mart, 18 iyun istirahət günləri, beşgünlük iş həftəsində 7 yanvar iş günüdür.
Beşgünlük iş həftəsində 239 iş günü, iş günü hesab edilməyən 105 istirahət günü, iş günü hesab edilməyən 19 bayram, 1 Ümumxalq Hüzn Günü, 1 prezident seçkisi günü və 1 bələdiyyə seçkiləri günü var.
Novator.az bildirir ki, Əmək Məcəlləsinə görə, iş günü hesab olunmayan bayram günləri şənbə və bazar günlərinə təsadüf edəndə, eləcə də Qurban və Ramazan bayramları iş günü hesab olunmayan başqa bayram günü ilə üst-üstə düşəndə əlavə istirahət günü verilir.
Nazirlər Kabineti ardıcıllığı təmin etmək üçün iş və istirahət günlərinin yerlərini dəyişdirə bilər.
