![]({"full":{"0":"2022\/07\/Jurnalistler-uchun-yeni-bina.jpg","1":752,"2":470,"3":false,"file":"https:\/\/novator.az\/wp-content\/uploads\/2022\/07\/Jurnalistler-uchun-yeni-bina.jpg"}})
Bakıda jurnalistlər üçün tikilmiş üçüncü binanın 250 mənzili şəhid ailələrinə və müharibə ilə əlaqədar əlilliyi müəyyən edilmiş şəxslərə verilib. Əmək və Əhalinin Sosial Müdafiəsi Nazirliyi xəbəri noyabrın 30-da yayıb.
Paytaxtın Bibiheybət qəsəbəsində, Yeni Salyan yolunda jurnalistlərin yaşadığı iki bina var. 156 mənzilli ilk bina 2013-cü ildə, 255 mənzilli ikinci bina 2017-ci ildə media işçilərinə təqdim olunub, mənzillər jurnalistlərə pulsuz verilib. Hər iki yaşayış binası prezident sərəncamları ilə dövlət vəsaiti hesabına inşa edilib.
Bünövrəsi 2017-ci ildə qoyulmuş 255 mənzilli üçüncü bina da eyni şərtlər əsasında tikilib, ancaq 2023-cü ilin yayında binanın şəhid ailələrinə və ölkənin ərazi bütövlüyü uğrunda döyüşlərdə yaralanaraq əlilliyi müəyyən olunmuş şəxslərə təqdim olunacağı bilinib.