11 ayın populyar adları
2023-cü ilin yanvar-noyabr aylarında Azərbaycanda doğulmuş 1463 qıza Zəhra adı verilib. Novator.az Ədliyyə Nazirliyinə istinadla bildirir ki, 1279 nəfər Məryəm, 1228 nəfər Zeynəb adı alıb.
Populyar adların ilk onluğunda Aylin (1188 uşaq), Nilay (1070), Fatimə (1032), Ayla (981), Mələk (951), İnci (829), Melisa (783) adları da var.
Oğlan adları içində Uğur öndədir: bu ad 11 ayda 1606 uşağa məsləhət görülüb. 1544 nəfərə Əli, 1395 nəfərə Yusif adı qoyulub.
İlk onluqda bu adlar da yer alır: Hüseyn (1357 uşaq), Ömər (957), Məhəmməd (949), Raul (942), Adəm (822), Murad (801), Ayxan (668).
