Niderland millətçiləri seçdi
Niderlandda noyabrın 22-də keçirilmiş parlament seçkisinin ilkin nəticələri açıqlanıb. Novator.az-ın məlumatına görə, millətçi Azadlıq Partiyası önə çıxaraq 150 yerlik qanunverici orqana (Təmsilçilər Palatası) 37 mandat əldə edir. Qurumun lideri Gert Vilders mühacirlərə və islama nifrəti, Avropa İttifaqına mənfi münasibəti ilə tanınır.
Solçu Yaşıllar və Əmək partiyalarını birləşdirən blokun 25, Azadlıq və Demokratiya Uğrunda Xalq Partiyasının 24, Yeni Sosial Saziş Partiyasının 20 yer götürdüyü, qalan kürsülərin 11 siyasi qüvvə arasında bölündüyü bildirilir.
2010-cu ildən baş nazir postunu Azadlıq və Demokratiya Uğrunda Xalq Partiyasından Mark Rütte tutur.
Hökuməti qurmaq üçün 76 mandat gərəkdir.
