REAL-da yeniliklər
Respublikaçı Alternativ (REAL) Partiyasının 5 noyabr qurultayında qurumun nizamnaməsi və proqramı yenilənib, Siyasi Komitə, Siyasət Təşəbbüsləri Komissiyası, Nəzarət-Təftiş Komissiyası üzvləri seçilib. Rəsmi məlumata görə, Siyasi Komitədə partiya lideri İlqar Məmmədovla yanaşı Natiq Cəfərli, Rəsul Cəfərov, Elçin Əliyev, Zöhrab Əliyev, Toğrul İsgəndərli, Erkin Qədirli və Mahmud Mahmudov təmsil olunacaq.
Novator.az bildirir ki, REAL Partiyası 2018-ci ildə Respublikaçı Alternativ Hərəkatının bazasında yaradılıb, 2020-ci ildə dövlət qeydiyyatına alınıb, 2023-cü ildə qeydiyyat yenilənib.
1992-ci ildən Azərbaycanda siyasi partiyaların fəaliyyətini tənzimləmiş qanun dövlət qeydiyyatı üçün 1000 üzv tələbi qoyub. 2023-cü il yanvarın 11-də qüvvəyə minən yeni qanunla azı 5000 üzvü olan partiya qeydiyyata alına bilər.
