Gürcüstanın Milli Statistika Xidməti oktyabrda istehlakın 2022-ci ilin eyni ayına nəzərən 0,8 faiz bahalaşdığını bəyan edib. Spirtli içkilər və tütün məmulatlarında qiymət artımı 6,6 faiz, mehmanxana və ictimai iaşə xidmətlərində 5,8 faiz, kommunal xidmətlərdə 4,2 faiz, təhsil sahəsində 3,7 faiz, nəqliyyat xidmətlərində 1,2 faiz göstərilir.

Novator.az bildirir ki, hesabata görə, istirahət, əyləncə və mədəniyyət xidmətləri 4 faiz, səhiyyə xidmətləri 3,2 faiz, rabitə xidmətləri 2,9 faiz, mebel və məişət əşyaları 2,4 faiz, geyim və ayaqqabılar 2 faiz, spirtsiz içkilər və ərzaq 1,2 faiz ucuzlaşıb.