2023-cü ilin yanvar-oktyabr aylarında Azərbaycanda doğulan 1317 qıza Zəhra adı verilib. Novator.az Ədliyyə Nazirliyinə istinadla bildirir ki, 1139 uşağa Məryəm, 1094 uşağa Zeynəb adı məsləhət görülüb.

Populyar qız adlarının ilk onluğunda Aylin (1062 uşaq), Nilay (934), Fatimə (913), Ayla (881), Mələk (854), İnci (736), Miray (683) adları da var.

Oğlan adlarında Uğur öndədir: bu adı on ayda 1446 uşaq alıb. 1377 oğlana Əli, 1235 oğlana Yusif adı qoyulub.

İlk onluqda qalan adlar belə sıralanır: Hüseyn (1227 uşaq), Məhəmməd (859), Ömər (849), Raul (845), Adəm (743), Murad (703), Ayxan (603).

Son beş ilin (2019-2023) populyar adları bunlardır: Zəhra, Əli, Yusif, Uğur, Hüseyn, Zeynəb, Məryəm, Aylin, Fatimə, Mələk.