Lirənin kursu
Türkiyənin Mərkəzi Bankı oktyabrın 26-da ABŞ dollarını 28,1 lirəyə təklif edir. 2023-cü il 18,7 lirə ilə start götürmüşdü.
Novator.az bildirir ki, 2021-2022-ci illərdə Azərbaycanda 100 Türkiyə lirəsinin rəsmi kursu 22 manat 91 qəpikdən 9 manat 9 qəpiyə düşüb.
2023-cü il də devalvasiya ilə keçir: yanvar 9 manat 7 qəpik, fevral 9 manat 4 qəpik, mart 9 manat, aprel 8 manat 86 qəpik, may 8 manat 74 qəpik, iyun 8 manat 19 qəpik, iyul 6 manat 53 qəpik, avqust 6 manat 31 qəpik, sentyabr 6 manat 36 qəpik, oktyabr 6 manat 20 qəpiklə başlayıb.
Azərbaycan Mərkəzi Bankı oktyabrın 26-da 100 lirəyə 6 manat 4 qəpik qiymət qoyub.
Oktyabrın 26-da Türkiyənin Mərkəzi Bankı uçot dərəcəsini 35 faizə qaldırıb.
Uçot dərəcəsi banklara verilən borclar üzrə faiz dərəcəsidir.
İyunun 22-də uçot dərəcəsi 8,5 faizdən 15 faizə yüksəlmiş, iyulun 20-dən 17,5 faiz həddi, avqustun 24-dən 25 faiz həddi, sentyabrın 21-dən 30 faiz həddi qüvvəyə minmişdi.
Qərarlar lirənin dəyər itirməsini dayandırmağa yönəlib.
