Neftsiz ixrac 14,6 faiz artıb
İqtisadi İslahatların Təhlili və Kommunikasiya Mərkəzi bildirir ki, yanvar-avqust aylarında Azərbaycanın qeyri-neft sektoru üzrə ixracı 2022-ci ilin eyni dövrü ilə müqayisədə 14,6 faiz artaraq 2,2 milyard ABŞ dolları dəyərində rəsmiləşib. Elektrik enerjisi ixracı 315 milyon dollarla birinci, pomidor ixracı 124,3 milyon dollarla ikinci, pambıq mahlıcı ixracı 83,4 milyon dollarla üçüncü yerdə göstərilir.
Hesabata görə, qeyri-neft ixracında əsas beş ünvan Rusiya (721,5 milyon dollar), Türkiyə (586,6 milyon dollar), Gürcüstan (219,1 milyon dollar), İsveçrə (86,4 milyon dollar), Qazaxıstan (72,4 milyon dollar) olub.
