Bolqarıstanın Rusiya dezinformasiyasına qarşı mübarizə aparan ən məşhur saytı kiberhücuma məruz qalıb. Novator.az xəbər verir ki, fakt araşdırıcı platforma kimi fəaliyyət göstərən, Rusiyanın yaydığı saxta məlumatları ifşa etməklə məşğul olan Factcheck.bg saytına hücumun arxasında Kremlin dayandığı güman olunur.

Kiberhücum nəticəsində Factcheck.bg-dən, habelə saytın “Facebook” şəbəkəsindəki səhifəsindən Kremlin və ona Bolqarıstanda rəğbət bəsləyən ictimai-siyasi qurumların yaydığı dezinformasiyaların ifşasına yönəlmiş xeyli yazı silinib.

Hazırda sayt fəaliyyətini bərpa edib. Yazıların bərpası istiqamətində də işlərin aparıldığı bildirilir.

Factcheck.bg platformasının təsisçisi Bolqarıstan Avropa Jurnalistləri Assosiasiyasıdır.

Mənbə: Euractiv.com