Qənirə Paşayeva vəfat etdi
Milli Məclisin üzvü, mədəniyyət komitəsinin sədri, siyasi elmlər üzrə fəlsəfə doktoru, professor Qənirə Paşayeva sentyabrın 28-də vəfat edib.
Sentyabrın 23-nə keçən gecə evdə komaya düşərək Bakıdakı Mərkəzi Klinikaya yerləşdirilən deputat süni tənəffüs aparatına qoşulmuş, onun müalicəsinə türkiyəli həkimlər də cəlb olunmuşdu.
1975-ci il martın 24-də Tovuz rayonunun Düz Qırıqlı kəndində doğulan Qənirə Paşayeva Azərbaycan Dövlət Tibb Universitetinin pediatriya fakültəsinin və Bakı Dövlət Universitetinin beynəlxalq hüquq fakültəsinin məzunu idi.
ANS televiziyasında müxtəlif vəzifələrdə çalışmış, Heydər Əliyev Fondunun ictimaiyyətlə əlaqələr şöbəsinin müdiri olmuş, Odlar Yurdu Universitetinin siyasi elmlər kafedrasına rəhbərlik etmişdi.
2005-ci ildən Milli Məclisdə 105 saylı Tovuz dairəsini təmsil edirdi.
Allah rəhmət eləsin!
