Rəsmi bank statistikası
Mərkəzi Bank yeni statistika yayıb. Novator.az bildirir ki, hesabata görə, sentyabrın 1-nə Azərbaycanda 21 milyard 814,2 milyon manat kredit, 12 milyard 580,1 milyon manat əmanət rəsmiləşib.
2023-cü il 19 milyard 594,4 milyon manat kredit, 11 milyard 743 milyon manat əmanətlə başlamışdı.
24 bankın cəmi aktivləri 45 milyard 358,7 milyon manat, cəmi öhdəlikləri 39 milyard 474,1 milyon manat, səkkiz aylıq xalis mənfəəti 724,2 milyon manat göstərilir.
Statistik bülletenə əsasən, sentyabrın 1-nə 24 bankın 488 filialı, 89 şöbəsi fəaliyyət göstərib, bank sektorunda 23491 nəfər çalışıb.
