Azərbaycanın mehmanxana xəritəsi
2022-ci ilin sonuna Azərbaycanda 757 mehmanxana və mehmanxana tipli obyekt fəaliyyət göstərib. Novator.az bildirir ki, Dövlət Statistika Komitəsinə istinad edən Bakı Araşdırmalar İnstitutu belə hesabat yayıb.
Məlumata görə, ötən il Bakıda 265, Naxçıvan Muxtar Respublikasında 21, Abşeron rayonunda 9, Sumqayıtda 15 mehmanxana və mehmanxana tipli obyekt olub.
Gəncədə mehmanxana və mehmanxana tipli obyektlərin sayı 17, Mingəçevirdə 9, Şuşada 3 göstərilib.
Ağdam, Hacıqabul, Neftçala, Qobustan, Samux, Siyəzən, Ucar rayonlarında mehmanxana olmayıb.
Mehmanxana və mehmanxana tipli obyektlərin çox olduğu bölgələr belə sıralanıb: Xaçmaz – 57, Masallı – 30, Quba – 29, Lənkəran – 26, Qəbələ və Şamaxı – hər biri 23, İsmayıllı – 22, Qusar – 20, Qax – 18, Astara – 16, Zaqatala – 13.
