7 ayın səfər statistikası
2023-cü ilin yanvar-iyul aylarında Azərbaycana 183 ölkədən 1 milyon 143,6 min nəfər əcnəbi gəlib. Dövlət Statistika Komitəsi Sərhəd Xidmətinə istinadla bildirir ki, onların 32,8 faizi Rusiya, 18,2 faizi Türkiyə, 7,4 faizi İran, 4,9 faizi Hindistan, 4,7 faizi Gürcüstan, 3,9 faizi Səudiyyə Ərəbistanı, 2,4 faizi Qazaxıstan, 2,3 faizi Pakistan, 2,1 faizi Birləşmiş Ərəb Əmirlikləri, 1,8 faizi Özbəkistan, qalanları başqa ölkələrin vətəndaşlarıdır.
Yeddi ayda xarici ölkələrə gedən Azərbaycan vətəndaşlarının sayı 993,5 min göstərilir. Hesabata görə, ölkə vətəndaşlarının 42,5 faizi Türkiyəyə, 22,7 faizi Rusiyaya, 9,2 faizi Gürcüstana, 7,7 faizi İrana, 17,9 faizi başqa ölkələrə səfər edib.
