Əhali artımı statistikası
Dövlət Statistika Komitəsinin hesabatına görə, 2023-cü ilin ilk yarısında Azərbaycanda hər 1000 nəfərə 4,7 nəfər təbii artım qeydə alınıb.
Təbii artım göstəricisi doğulanlarla ölənlərin nisbətinə əsaslanır. Yarım ildə ölkədə 53918 nəfər doğulub, 30165 nəfər dünyasını dəyişib, 2022-ci ilin yanvar-iyun aylarına nəzərən təbii artım 17,5 faiz azalıb.
Novator.az bildirir ki, Qobustanda 1000 nəfərə 13, Yardımlıda 11,6, Xocalıda 10,6, Xocavənddə 10,3, Cəlilabadda 9,9, Lerikdə 9,3, Biləsuvarda 9,7, Laçında 9,1, Kəlbəcərdə 8,9, Sabirabad və Şamaxıda 8,4, Bakının Qaradağ rayonunda 8 nəfər təbii artım rəsmiləşib.
Hər 1000 nəfərə təbii artımın 4,7-dən yüksək olduğu başqa bölgələr bunlardır: Astara – 7,6, Qəbələ – 7,2, Ağdam – 7,1, Hacıqabul, Saatlı – 6,7, Şabran – 6,6, Ağcabədi, Ağsu, Beyləqan – 6,5, Qubadlı – 6,3, Babək, Quba, Şuşa – 6, İmişli – 5,8, Masallı, Salyan, Yevlax – 5,7, Cəbrayıl – 5,6, Ağdaş, Füzuli, Kəngərli – 5,5, Göygöl – 5,4, Culfa, Goranboy, Tərtər – 5,3, Kürdəmir – 5,2, Bərdə, Qusar – 5,1, Xaçmaz, İsmayıllı – 5, Samux, Şərur – 4,9.
