Neçə nəfər qocalıq müavinəti alır?
Dövlət Sosial Müdafiə Fondu 2023-cü il iyulun 1-nə yaşa görə müavinət alanların sayını 137 min 581 nəfər göstərib. Müavinətin aylıq məbləği 220 manatdır.
Azərbaycanda kişilər 65, qadınlar 63 yaş yarımda pensiyaya çıxır. Pensiyaya çıxmaq üçün ya 25 il sığorta stajı, ya da 40320 manat pensiya kapitalı tələb olunur. 2006-cı il yanvarın 1-dən 2018-ci il iyulun 1-dək hər hansı məbləğdə pensiya kapitalı toplamış şəxsin sosial sığorta stajı avtomatik 25 il hesablanır, əks halda pensiya yaşı çatan şəxsə yaşa görə müavinət verilir.
2023-cü il iyulun 1-nə pensiyaçıların sayı 1 milyon 96,6 min nəfər olub.
Minimum pensiya 280 manatdır.
