Yarım ilin ölüm statistikası
2023-cü ilin ilk yarısında Azərbaycanda 30165 ölüm qeydə alınıb. Bu, ötən ilin yanvar-iyun aylarına nəzərən 7,7 faiz azdır.
Rəsmi hesabata görə, yarım ildə hər 1000 nəfərə 6 ölüm düşüb. Novator.az Dövlət Statistika Komitəsinə istinadla bildirir ki, Ağstafada bu göstərici 8, Gədəbəy və Qazaxda 7,9, Qaxda 7,6, İsmayıllı, Daşkəsən, Tovuz və Şəkidə 7,3, Goranboyda 7,1, Xızı, Göygöl və Qubadlıda 7 olub.
Ağdam və Bərdədə hər 1000 nəfərə 6,9, Şahbuz, Samux, Mingəçevir və Xaçmazda 6,8, Füzuli, Siyəzən və Şabranda 6,7, Xocavənd və Salyanda 6,6, Quba, Astara və Yevlaxda 6,5 ölüm düşdüyü vurğulanır.
Bakıda hər 1000 nəfərə 6,2, paytaxtın Qaradağ rayonunda 6,8, Suraxanı rayonunda 7,6, Yasamal rayonunda 8,1 ölüm rəsmiləşib.
Ölümün çox olduğu qalan bölgələr belə sıralanır: Gəncə, Tərtər, Oğuz, Göyçay, Neftçala – hər 1000 nəfərə 6,4 ölüm; Ağsu, Naftalan, Şəmkir, Ucar, Zaqatala, Zəngilan, Şirvan şəhəri – 6,3; Lənkəran, Kürdəmir, Zərdab, İmişli, Kəlbəcər – 6,2; Ağcabədi – 6,1.
