Xırdalan mənzərəsi
Xırdalan şəhərində yaşayan iqtisadçı, vətəndaş cəmiyyəti eksperti Samir Əliyev avqustun 14-də özünün “Facebook” səhifəsində replika yayıb. O qeyd edir ki, şəhərin mərkəzində, Heydər Əliyev parkının yanındakı Zərifə Əliyeva küçəsinin həyətində zibil bir həftədən çoxdur yığılmır: “Təmizlik işinə Abşeron Rayon Abadlıq və Kommunal Xidmətlər İdarəsi məsuldur. Bu qurum Abşeron Rayon İcra Hakimiyyətinə bağlıdır. Zibil daşınması inhisara alınıb, başqa qurumlar bu sektora buraxılmır, özləri isə kefləri istədiyi qrafiklə çalışırlar. Zibilliyin bu həddə çatması xəstəlik mənbəyidir”.
2022-ci il yanvarın 19-dan Abşeron Rayon İcra Hakimiyyətinə Abdin Fərzəliyev başçılıq edir.
Samir Əliyevin Novator.az-a verdiyi məlumata görə, replika bəhrəsini verib, zibilin ərazidən daşınmasına başlanıb.
