Azərbaycanda lider maşınlar (2000-2022)
Bakı Araşdırmalar İnstitutu Azərbaycan əhalisinin hansı model avtomobillərə üstünlük verməsinə nəzər salıb. Novator.az-ın məlumatına görə, Dövlət Statistika Komitəsinin bilgilərinə əsaslanan hesabatda qeyd olunur ki, 2000-ci ildə əhalinin ən çox istifadə etdiyi avtomobillərin ilk üçlüyündə VAZ, QAZ və “Moskviç” (hər üçü Rusiya istehsalı) markalı maşınlar göstərilib.
2005 və 2010-cu illərdə VAZ birinci, “Mersedes” (Almaniya istehsalı), QAZ üçüncü yerdə qərarlaşıb.
2015 və 2020-ci illərdə əhali ən çox VAZ-a, “Mersedes”ə və “Hunday”a (Cənubi Koreya istehsalı) üstünlük verib.
2022-ci ildə ilk üçlük dəyişməyib, liderləri “Toyota” (Yaponiya istehsalı), “Opel” (Almaniya istehsalı), KİA (Cənubi Koreya istehsalı), QAZ, “Şevrolet” (ABŞ istehsalı), “Nissan” (Yaponiya istehsalı), BMV (Almaniya istehsalı) təqib edib.
