DOST-un 5 yaşı
Dayanıqlı və Operativ Sosial Təminat (DOST) Agentliyinin 5 yaşı tamam olur.
Novator.az bildirir ki, agentlik prezidentin 9 avqust 2018-ci il fərmanı ilə Əmək və Əhalinin Sosial Müdafiəsi Nazirliyinin tabeliyində publik hüquqi şəxs statusunda yaradılıb, “DOST” mərkəzlərini idarə edir. Hazırda 7 “DOST” mərkəzi fəaliyyət göstərir, xidmətlər bu istiqamətləri əhatə edir:
Əmək və Əhalinin Sosial Müdafiəsi Nazirliyinin fəaliyyət istiqamətlərinə dair arayışlar verilməsi;
əmək münasibətləri sahəsində işəgötürənlərə və işçilərə göstərilən xidmətlər;
əlillik sahəsində göstərilən xidmətlər;
məşğulluq sahəsində göstərilən xidmətlər;
əmək pensiyası və sosial müavinət sahələrində göstərilən xidmətlər;
ünvanlı dövlət sosial yardımın təyin edilməsi;
prezident təqaüdünün təyin edilməsi;
sığortaolunanların fərdi uçota alınması və uçotdan çıxarılması;
sosial xidmət sahəsində göstərilən xidmətlər;
övladlığagötürmə sahəsində xidmətlər;
himayədar ailə sahəsində göstərilən xidmətlər;
valideyn himayəsindən məhrum olmuş uşaqların hüquqlarının müdafiəsi, onların valideynlərini itirmiş və valideyn himayəsindən məhrum olmuş uşaqlar üçün müəssisələrə yerləşdirilməsi və həmin müəssisələrdən götürülməsi ilə bağlı müraciətlərin qəbul edilməsi;
funksional yardımçı xidmətlər.
