Maşınların 83 faizindən çoxunun azı 10 yaşı var
Bakı Araşdırmalar İnstitutu Azərbaycanın minik avtomobili parkının durumuna nəzər salıb. Novator.az bildirir ki, rəsmi statistikaya əsaslanan məlumata görə, 2022-ci ildə minik maşınlarının 83,1 faizə yaxınının yaşı 10 il və daha çox olub.
5 ildən 10 ilədək sürülmüş minik avtomobillərinin ümumi maşın parkında payı 11,9 faizə yaxın, 5 ilə qədər sürülmüş maşınların payı 5 faizdən bir az çox göstərilir.
Araşdırmaya əsasən, 2022-ci ildə minik maşınlarının 90 faizə yaxını benzinlə, 7,1 faizdən çoxu dizellə, 0,7 faizdən çoxu qazla, 2,1 faizdən çoxu hibrid üsulla (elektrik enerjisi və yanacaqla) hərəkət edib.
