Maşın parkının yaşı nəyə işarədir?
İqtisadçı Rövşən Ağayev Azərbaycanın avtomobil parkının vəziyyəti ilə bağlı rəsmi statistikaya nəzər salıb. O yazır ki, 2022-ci ilin sonuna ölkədəki 1,4 milyon ədəd minik avtomobilinin 45 faizinin yaşı 20 il və daha çox olub: “Avtobus parkının vəziyyəti daha pisdir, onların 63 faizinin azı 20 yaşı var”.
Ekspert qeyd edir ki, maşın parkının yaşı yoxsulluqla bağlı müəyyən təsəvvür yaradır: “Ölkədə az qala hər iki avtomobildən birinin yaşı 20 ili ötürsə, bu, yoxsulların mütləq üstünlüyü barədə fikir söyləməyə imkan verir. Azərbaycanda az qala hər üç ailədən birinin minik maşını var, amma maşınların yarısı tullanası haldadır”.
