Azərbaycanda cins nisbəti
Rəsmi statistikaya görə, dövlət müstəqilliyinin bərpa olunduğu 1991-ci ildə Azərbaycanda hər 1000 kişiyə 1048 qadın düşüb. Novator.az bildirir ki, 1992-ci ildə hər 1000 kişiyə 1046 qadın, 1993-cü ildə 1043 qadın, 1994-cü ildə 1039 qadın, 1995-ci ildə 1036 qadın, 1996-cı ildə 1032 qadın, 1997 və 1998-ci illərdə 1028 qadın qeydə alınıb.
1999-cu ilin hesabatında hər 1000 kişiyə 1048 qadın göstərilib.
2000-ci ildə hər 1000 kişiyə 1046 qadın, 2001-ci ildə 1043 qadın, 2002-ci ildə 1040 qadın, 2003-cü ildə 1038 qadın, 2004-cü ildə 1035 qadın, 2005-ci ildə 1032 qadın, 2006-cı ildə 1030 qadın, 2007-ci ildə 1027 qadın, 2008-ci ildə 1025 qadın, 2009-cu ildə 1021 qadın, 2010-cu ildə 1019 qadın rəsmiləşib.
2011-ci ildə hər 1000 kişiyə 1017 qadın, 2012-ci ildə 1015 qadın, 2013-cü ildə 1013 qadın, 2014-cü ildə 1011 qadın, 2015-ci ildə 1009 qadın, 2016-cı ildə 1007 qadın, 2017-ci ildə 1006 qadın, 2018-ci ildə 1005 qadın, 2019-cu ildə 1003 qadın, 2020 və 2021-ci illərdə 1002 qadın, 2022-ci ildə 1001 qadının düşdüyü bəyan olunub.
Dövlət Statistika Komitəsinin hesabatına əsasən, 2023-cü ilin yanvar-may aylarında Azərbaycanda doğulanların 53,1 faizi oğlan, 46,9 faizi qızdır.
