Yeddi ayın 20 populyar adı
Novator.az Ədliyyə Nazirliyinin saytında populyar adların siyahısına nəzər salıb.
2023-cü ilin yanvar-iyul aylarında Azərbaycanda doğulmuş 864 qıza Zəhra adı verilib.
Məryəm adı 737, Aylin adı 683 uşağa məsləhət görülüb.
Ən çox qoyulan qız adlarının ilk onluğunda Zeynəb (663 uşaq), Nilay (613), Fatimə (584), Mələk (567), Ayla (563), İnci (461) və Melisa (429) adları da var.
Oğlan adları içində Uğur birincidir. Bu adı yeddi ayda 967 uşaq alıb.
Əli adı (925 uşaq) ikinci, Yusif adı (800) üçüncü yerdə göstərilir.
İlk onluqda Hüseyn (751 uşaq), Məhəmməd (575), Ömər (560), Raul (529), Murad (488), Adəm (441) və Ayxan (391) adları da yer alır.
