İnflyasiya xəritəsi
Dövlət Statistika Komitəsinin hesabatına görə, 2022-ci ildə istehlak qiymətləri 2021-ci ilə nisbətən 13,9 faiz artıb, ərzaq məhsulları, içkilər və tütün məmulatları 19,5 faiz, qeyri-ərzaq məhsulları 8,6 faiz, ödənişli xidmətlər 10,4 faiz bahalaşıb.
Bakı Araşdırmalar İnstitutu bölgələr üzrə inflyasiya göstəricilərinə nəzər salıb.
2022-ci ildə ən çox bahalaşma Qaxda gedib: 28,8 faiz.
Ucar 27,6 faizlə ikinci, Tovuz 26 faizlə üçüncü yerdə qərar tutub.
Bakıda qiymətlər 17,8 faiz, Mingəçevirdə 19 faiz, Sumqayıtda 22,1 faiz, Gəncədə 21,7 faiz artıb.
Araşdırmaya əsasən, 2013-cü ildə ölkədə 2,4 faiz, 2014-cü ildə 1,4 faiz, 2015-ci ildə 4 faiz, 2016-cı ildə 12,4 faiz, 2017-ci ildə 12,9 faiz, 2018-ci ildə 2,3 faiz, 2019-cu ildə 2,6 faiz, 2020-ci ildə 2,8 faiz, 2021-ci ildə 6,7 faiz bahalaşma qeydə alınıb.
