Mehmanxana biznesinin yarım ili
Dövlət Statistika Komitəsi mehmanxanaların və bu tipli obyektlərin fəaliyyəti haqqında hesabat yayıb. Rəsmi məlumata görə, 2023-cü ilin yanvar-iyun aylarında gecələmə sayı 2022-ci ilin ilk yarısı ilə müqayisədə 32,7 faiz artaraq 1 milyon 363,2 minə çatıb.
Gecələmələrin 61,1 faizinin Bakıda, 5 faizinin Qusarda, 4,8 faizinin Qubada, 4,4 faizinin Qəbələdə, 3,6 faizinin Naftalanda, 3 faizinin Şabranda, 2,8 faizinin Lənkəranda, 2,2 faizinin Naxçıvan Muxtar Respublikasında, 1,5 faizinin Xaçmazda, 1,2 faizinin İsmayıllıda, 1,1 faizinin Gəncədə, 1 faizinin Şamaxıda, qalan hissəsinin başqa bölgələrdə qeydə alındığı vurğulanır.
Hesabata əsasən, yarım ildə mehmanxana və bu tipli obyektlərin gəlirləri 2022-ci ilin eyni dövrünə nəzərən 42,4 faiz artaraq 209,3 milyon manat olub.
