192 yer, 20,7 milyon xəstə
İyulun 19-da yenilənən beynəlxalq statistikaya görə, 192 ölkə və ərazidə 20,7 milyon aktiv koronavirus xəstəsi var. İlk beşlikdə Polşa (1 milyon 62,4 min xəstə), Vyetnam (937,9 min), Braziliya (750,9 min), ABŞ (658 min), Meksika (413,6 min) yer alır.
Qonşu Rusiyada xəstə sayı 151707, İranda 96119, Gürcüstanda 51889, Qazaxıstanda 14963, Ermənistanda 5332 nəfər göstərilir.
Novator.az bildirir ki, iyulun 17-dən Azərbaycanda koronavirus hesabatının həftədə bir dəfə, hər bazar ertəsi verilməsinə başlanıb. Son açıqlamaya əsasən, ölkədə 831983 nəfər koronavirusa yoluxub, onların 10288-i vəfat edib, 22-si aktiv xəstədir, qalanları sağalıb.
2019-cu ilin dekabrında Çində üzə çıxıb daha 230 ölkə, ərazi və məkana yayılan infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də rəsmiləşib.
