Nikah tarixçəsi (1991-2023)
Azərbaycanın dövlət müstəqilliyinin bərpa olunduğu 1991-ci ildə əhalinin hər 1000 nəfərinə 10,4 nikah düşüb.
Novator.az bildirir ki, ən aşağı göstərici 2020-ci ildə qeydə alınıb: hər 1000 nəfərə 3,5 nikah. Bu, koronavirus pandemiyası üzündən tətbiq edilən toy qadağasından irəli gəlib. Toy mərasimləri həmin il martın 16-dan 2021-ci il iyulun 1-dək yasaq altında olub.
1999-cu ildə hər 1000 nəfərə 4,7 nikah, 1996 və 2000-ci illərdə 5 nikah, 2002-ci ildə 5,1 nikah, 1998 və 2001-ci illərdə 5,2 nikah, 2021-ci ildə 5,6 nikah, 1995-ci ildə 5,7 nikah rəsmiləşib.
2011-ci ildə hər 1000 nəfərə 9,7 nikah, 1992 və 2007-ci illərdə 9,5 nikah, 2006-cı ildə 9,4 nikah, 2013-cü ildə 9,3 nikah, 2008-ci ildə 9,2 nikah, 2014-cü ildə 9 nikah bağlanıb.
2010-cu ildə hər 1000 nəfərə 8,9 nikah, 2009-cu ildə 8,8 nikah, 2012-ci ildə 8,6 nikah, 2005-ci ildə 8,5 nikah, 1993-cü ildə 8,1 nikah sənədləşib.
2004-cü ildə hər 1000 nəfərə 7,5 nikah, 2015-ci ildə 7,2 nikah, 2016-cı ildə 6,9 nikah, 2003-cü ildə 6,8 nikah, 2017-ci ildə 6,5 nikah, 2018 və 2019-cu illərdə 6,4 nikah, 1994-cü ildə 6,3 nikah, 1997 və 2022-ci illərdə 6,1 nikah rəsmiləşib.
2023-cü ilin yanvar-may aylarında 19381 nikah qeydə alınıb. Dövlət Statistika Komitəsinin hesabatına görə, nikahlar 2022-ci ilin ilk beş ayına nəzərən 17,9 faiz azalıb, əhalinin hər 1000 nəfərinə 4,6 nikah düşüb.
