ADR Ali Məhkəməyə üz tutur
Dövlət qeydiyyatına alınmaq mübarizəsini davam etdirən Azərbaycan Demokratiya və Rifah (ADR) Partiyası Ali Məhkəməyə üz tutub. Novator.az-a danışan partiya sədrinin müavini Ədalət Yusub deyib ki, şikayətdə Bakı Apellyasiya Məhkəməsinin 3 iyul 2023-cü il qərarının ləğvi istənir: “Ədliyyə Nazirliyi partiyanın dövlət qeydiyyatına alınmaq müraciətini dörd dəfə geri qaytarandan sonra Bakı Apellyasiya Məhkəməsinə üz tutmuşduq, ancaq şikayətə baxılmamışdı. Beşinci müraciətə cavabdan bəlli olmuşdu ki, Ədliyyə Nazirliyi partiyanın təyinatlı orqanlarının fəaliyyətinə xitam verilməsi qərarını qurumun buraxılması kimi yozub, sənədləri geri qaytarıb. Ona görə yenidən Bakı Apellyasiya Məhkəməsinə şikayət vermişdik. Ancaq Bakı Apellyasiya Məhkəməsi iyulun 3-də şikayətimizi təmin etmədi, Ədliyyə Nazirliyinin boynuna partiyanı dövlət qeydiyyatına almaq öhdəliyi qoyulmasından imtina olundu”.
2015-ci ildən fəaliyyət göstərmiş Azərbaycan Demokratiya və Rifah Hərəkatının varisi olan ADR Partiyasının təsis qurultayı 2021-ci il oktyabrın 17-də keçirilib. Həmin il noyabrın 11-də, 2022-ci il martın 16-da, iyulun 5-də və avqustun 26-da dövlət qeydiyyatı üçün Ədliyyə Nazirliyinə sənədlər təqdim olunsa da, partiya hər dəfə müəyyən iradlarla üzləşib, bundan sonra məsələnin məhkəmə yolu ilə həllinə qərar verib. Bakı Apellyasiya Məhkəməsinə şikayətdə Ədliyyə Nazirliyinin qanunvericiliyi pozaraq qurumun qeydiyyatını yubatdığı vurğulanıb, məhkəmədən nazirliyin boynuna partiyanı dövlət qeydiyyatına almaq öhdəliyi qoyulması istənib. 2022-ci il sentyabrın 27-də məhkəmə şikayətə baxılmasını mümkünsüz sayıb. Ali Məhkəməyə şikayətdə həmin qərarın ləğvi istənib. Amma Ali Məhkəmə noyabrın 22-də təqdim olunmuş həmin şikayətə baxmayıb.
Dekabrın 22-də ADR beşinci dəfə Ədliyyə Nazirliyinə müraciət edib. 2023-cü il aprelin 11-də sənədlər baxılmadan geri qaytarılıb.
Ədliyyə Nazirliyi dövlət qeydiyyatı ilə bağlı altıncı müraciətə də yox deyib, sənədləri geri qaytararaq “Siyasi partiyalar haqqında” yeni qanuna uyğun müraciət etmək təklifi verib.
1992-ci ildə qəbul edilmiş “Siyasi partiyalar haqqında” qanun qurumun dövlət qeydiyyatı üçün 1000 üzv tələbi qoyurdu. 2023-cü il yanvarın 11-də qüvvəyə minən yeni qanuna görə, qeydiyyat üçün partiyanın azı 5000 üzvü olmalıdır.
“Siyasi partiyalar haqqında” yeni qanun dövlət qeydiyyatına alınmayan partiyanın fəaliyyətini yasaqlayır. Yanvarın 12-də ADR sədri Qubad İbadoğlu partiyanın mərkəzi icra strukturlarının buraxılması və təyinatlı rəhbər şəxslərin fəaliyyətlərinə xitam sərəncamı imzalayıb, partiyanın seçkili orqanlarının fəaliyyətinə dair yekun qərarı Ali Məclisin verəcəyini bəyan edib.
Fevralın 20-də ADR Partiyasının yenidən təsis olunacağı xəbəri yayılıb.
ADR Partiyası nazirliyə üz tutdu
ADR-in qeydiyyat müraciəti nə yerdədir?
ADR-in qeydiyyatı səssizlik içində
ADR Partiyasının sənədləri niyə geri qayıtdı?
ADR Partiyası yenə Ədliyyə Nazirliyinə üz tutur
ADR-in qeydiyyatı: müddət başa çatıb
ADR Partiyasının sənədləri yenə geri qayıtdı
ADR: qeydiyyat işi məhkəməyə gedir
ADR-in qeydiyyat məhkəməsi başladı
ADR Partiyası məhkəmədən nə cavab alıb?
ADR Ali Məhkəməyə şikayət verib
ADR-in Ali Məhkəmədən istəyi var
“Mübarizədə bundan sonra da varıq”
ADR Partiyası yenidən təsis olunur
ADR Partiyasının müraciət planları
Ədliyyə Nazirliyi ADR-ə təklif verib
