Nikah 17,9 faiz azalıb, boşanma 46,7 faiz artıb
2023-cü il iyunun 1-nə Azərbaycan əhalisinin (Qarabağın Rusiya hərbçilərinin nəzarətində olan hissəsindəki əhali çıxılmaqla) sayı 10 milyon 148 min 57 nəfərə çatıb. Hesabatı yayan Dövlət Statistika Komitəsi qeyd edir ki, yanvar-may aylarında 46544 doğum, 26150 ölüm, 19381 nikah, 9040 boşanma rəsmiləşib.
Açıqlamaya görə, 2022-ci ilin yanvar-may aylarına nəzərən doğum və ölüm 7,5 faiz, nikahlar 17,9 faiz azalıb, boşanma 46,7 faiz artıb.
Novator.az bildirir ki, hər 1000 nəfərə doğum sayı 11,1, ölüm sayı 6,2, nikah sayı 4,6, boşanma sayı 2,2 göstərilir.
