Yeni müavinətlərin məbləğləri
Prezident İlham Əliyev “Sosial müavinətlər haqqında” qanuna əlavələri imzalayaraq onların tətbiqinə fərman verib, bununla da himayədar ailəyə verilmiş uşağın, o cümlədən 18 yaşınadək əlilliyi müəyyən edilmiş uşağın tərbiyə edilməsinə görə aylıq müavinət təsis olunub.
Himayədar ailəyə verilmiş uşaqlara mövsümi geyim alınması üçün ildə 4 dəfə (mart, iyun, sentyabr və dekabr aylarında) birdəfəlik müavinət də ödənəcək.
Novator.az bildirir ki, prezident fərmanına əsasən, himayədar ailəyə verilmiş 0-6 yaş arası uşağa görə 355 manat, 7-13 yaş arası uşağa görə 375 manat, 14-18 yaş arası uşağa görə 395 manat müavinət nəzərdə tutulur.
Himayədar ailəyə verilmiş 18 yaşınadək əlilliyi müəyyən edilmiş 0-6 yaş arası uşağa görə 395 manat, 7-13 yaş arası uşağa görə 415 manat, 14-18 yaş arası uşağa görə 435 manat müavinət rəsmiləşir.
Himayədar ailəyə verilmiş uşaqlara mövsümi geyim alınması üçün müavinət 200 manat olur.
