Harada neçə xəstə var?
İyulun 12-nə olan beynəlxalq statistikaya görə, 190 ölkə və ərazidə 20,6 milyondan çox aktiv koronavirus xəstəsi var. Novator.az bildirir ki, ilk onluqda qərar tutan Rusiyada xəstə sayı 153018 nəfər göstərilir. Moldovada 104470, İranda 96094, Estoniyada 91306 şəxs müalicə altındadır.
Gürcüstanda 51889, Qazaxıstanda 14963, Özbəkistanda 10539, Qırğızıstanda 7500, Ermənistanda 5332, Belarusda 1327, Tacikistanda 397, Latviyada 380, Litvada 334 xəstə qeydə alınıb.
Milli hesabata əsasən, Azərbaycanda 831965 nəfər koronavirusa yoluxub, onların 10287-si vəfat edib, 12-si aktiv xəstədir, qalanları sağalıb.
2019-cu ilin dekabrında Çində üzə çıxıb daha 230 ölkə, ərazi və məkana yayılan infeksiyaya Azərbaycanda ilk yoluxma 2020-ci il fevralın 28-də, xəstəlikdən ilk ölüm martın 12-də qeydə alınıb.
2020-ci il 218700 yoluxma, 2641 ölüm, 2021-ci il 398247 yoluxma, 5717 ölüm, 2022-ci il 209454 yoluxma, 1650 ölümlə bitib.
2023-cü ilin statistikası belədir: yanvar – 1543 yoluxma, 77 ölüm, fevral – 604 yoluxma, 34 ölüm, mart – 1176 yoluxma, 63 ölüm, aprel – 1656 yoluxma, 59 ölüm, may – 454 yoluxma, 33 ölüm, iyun – 111 yoluxma, 8 ölüm, iyul – 20 yoluxma, 5 ölüm.
2021-ci il yanvarın 18-dən ölkədə koronavirusa qarşı peyvəndləmə aparılır: 5 milyon 412,7 min nəfərə bir, 4 milyon 884,1 min nəfərə iki, 3 milyon 404,6 min nəfərə azı üç, 266,3 min nəfərə pozitiv nəticədən sonra bir doza peyvənd vurulub.
