Penitensiar Xidmətin rəisi dəyişdi
Ceyhun Əkbər oğlu Həsənov ədliyyə nazirinin müavini-Penitensiar Xidmətin rəisi vəzifəsindən azad edilib. Prezident İlham Əliyevin iyulun 9-da imzaladığı başqa sərəncamla həmin vəzifəyə Mirsaleh Miradil oğlu Seyidov təyinat alıb.
Penitensiar Xidmət Ədliyyə Nazirliyinin baş idarə səlahiyyətli struktur qurumudur. Qurumun əsas fəaliyyət istiqamətləri azadlıqdan məhrumetmə cəzalarının icrası; penitensiar müəssisələrin, istintaq təcridxanalarının, təqsirləndiriliən şəxslərin və məhkumların mühafizəsini və müşayiətini həyata keçirən hərbi qurumların və Penitensiar Xidmətə daxil olan digər qurumların fəaliyyətinin təşkili; təqsirləndirilən şəxslərin və məhkumların mühafizəsi, onların müşayiəti; barəsində həbs qətimkan tədbiri seçilmiş şəxslərin saxlanmasıdır.
Penitensiar Xidmət Bakıda (Nizami küçəsi, 114) yerləşir.
